- 歌詞
- アルバムリスト
- 歌手の紹介
林強
-
祝福您大家
作詞:林強 作曲:陳昇 編曲:黃韻玲
想起咱較早曾講過的話 不知你咁有記詳細 你講朋友的感情 不免對別人解釋 淡三講講o也 兩三句話 想起志明要去做兵那暝 為著要分開 咱曾湊陣哭過 同窗的感情今嘛要去叨位找 你說等退伍回來 世界就是咱的 朋友一大堆 知己沒幾個 發達以後 咱攏有自己的天地 理想一大堆 賺吃較實際 大漢小漢攏有伊自己的問題 哦~了然 哦~了然 咱麥想這多
朋友一大堆 不知你今嘛有做啥貨 是不是娶某生子了後 就要認真打拼做人的老爸 你說環境是安呢 就愛面對現實的社會 你有不得已的苦衷 叫我不通怪你變得這麼多 哦~過去 已經攏過去 麥想這多
想起咱較早曾講過的話 不知影你咁有記詳細 你講朋友的感情 不免對別人來解釋 淡三講講o也 兩三句話 理想一大堆 你說賺吃較實際 快樂的生活 是我所要追求的 環境是按呢 就要面對現實的社會 你有不得已的苦衷 叫我不通怪你變得這麼多 哦~歹勢 我自己想太多 祝福您大家 祝福您每一個 祝福您大家 祝福您大家
------------------------------------------
17580/《祝福恁逐家》Tsiok-hok Lín Ta̍k-ke 林強Lîm Kiông
想起咱較早 siūnn-khí lán khah-tsá 捌講過的話 bat kóng--kuè ê uē 毋知你敢有記詳細 m̄-tsai lí kám ū kì siông-sè 你講朋友的感情 lí kóng pîng-iú ê kám-tsîng 毋免對別人解說 m̄-bián tuì pa̍t-lâng kái-sueh 濫糝講講咧 lām-sám kóng-kóng--leh 兩三句話 nn̄g-sann kù uē
想起志明 siūnn-khí Tsì-bîng 欲去做兵彼暝 beh khì tsò-ping hit-mê 為著欲分開 uī-tio̍h beh hun-khui 咱捌鬥陣哭過 lán bat tàu-tīn khàu--kuè 同窗的感情 tông-tshong ê kám-tsîng 這馬欲去佗位揣 tsit-má beh khì tó-uī tshuē 你講等退伍轉來 lí kóng tán thuè-ngóo--tńg-lâi 世界就是咱的 sè-kài tō-sī lán ê
朋友一大堆 pîng-iú tsi̍t-tuā-tui 知己無幾个 ti-kí bô kuí-ê 發達以後 huat-ta̍t í-āu 咱攏有家己的天地 lán lóng ū ka-kī ê thinn-tē 理想一大堆 lí-sióng tsi̍t-tuā-tui 趁食較實際 thàn-tsia̍h khah si̍t-tsè 大漢細漢 tuā-hàn-sè-hàn 攏有伊家己的問題 lóng ū i ka-kī ê būn-tê もっと沢山の歌詞は ※ Mojim.com 喔~了然 ooh~ liáu-jiân 喔~了然 ooh~ liáu-jiân 咱莫想遮濟 lán mài siūnn tsiah tsuē
朋友一大堆 pîng-iú tsi̍t-tuā-tui 毋知你這馬咧做啥貨 m̄-tsai lí tsit-má leh tsò siánn-huè 是毋是娶某生囝了後 sī-m̄-sī tshuā-bóo senn-kiánn liáu-āu 著愛認真拍拚 to̍h-ài jīn-tsin phah-piànn 做人的老爸 tsò lâng ê lāu-pē 你講環境是按呢 lí kóng huân-kíng sī án-ne 著愛面對現實的社會 tio̍h-ài bīn-tuì hiān-si̍t ê siā-huē 你有不得已的苦衷 lí ū put-tik-í ê khóo-thiong 叫我毋通 kiò guá m̄-thang 怪你變甲遮爾濟 kuài lí piàn kah tsiah-nī tsuē 喔~過去 ooh~ kuè-khì 已經攏過去 í-king lóng kuè--khì 莫想遐濟 mài siūnn hiah tsuē
想起咱較早 siūnn-khí lán khah-tsá 捌講過的話 bat kóng--kuè ê uē 毋知影你敢有記詳細 m̄ tsai-iánn lí kám ū kì siông-sè 你講朋友的感情 lí kóng pîng-iú ê kám-tsîng 毋免別人來解說 m̄-bián pa̍t-lâng lâi kái-sueh 濫糝講講咧 lām-sám kóng-kóng--leh 兩三句話 nn̄g-sann kù uē
理想一大堆 lí-sióng tsi̍t-tuā-tui 你講趁錢較實際 lí kóng thàn-tsînn khah si̍t-tsè 快樂的生活 khuài-lo̍k ê sing-ua̍h 是我所欲追求的 sī guá sóo beh tui-kiû--ê 環境是按呢 huân-kíng sī án-ne 著愛面對現實的社會 tio̍h-ài bīn-tuì hiān-si̍t ê siā-huē 你有不得已的苦衷 lí ū put-tik-í ê khóo-thiong 叫我毋通 kiò guá m̄-thang 怪你變甲遮爾濟 kuài lí piàn kah tsiah-nī tsuē
喔~歹勢 ooh~ pháinn-sè 我家己想傷濟 guá ka-kī siūnn siunn tsē 祝福恁逐家 tsiok-hok lín ta̍k-ke
祝福恁每一个 tsiok-hok lín muí tsi̍t-ê 祝福恁逐家 tsiok-hok lín ta̍k-ke 祝福恁逐家 tsiok-hok lín ta̍k-ke
- W.B. Chen の歌詞訂正に感謝
- ウェブリンク: W.B. Chen
|