- 歌詞
- アルバムリスト
黃三元
-
喂乾一杯
15152/《喂乾一杯》Ueh! Kan--tsi̍t-pue 黃三元N̂g Sam-guân
↓↓(口白)---(口白)↓↓ 啊!愛情 ah! ài-tsîng 敢是一杯苦酒 kám-sī tsi̍t-pue khóo-tsiú 無錯 bô-tshò 自從素蘭小姐出嫁了後 tsū-tsiông Sòo-lân sió-tsiá tshut-kè liáu-āu 予我的一段 hōo guá ê tsi̍t-tuānn 長時間的苦海生涯 tn̂g sî-kan ê khóo-hái seng-gâi 但是嫁也已經嫁去了 tān-sī kè iā í-king kè khì-liáu 只好留著 tsí-hó lâu tio̍h 難忘的情意 lân-bōng ê tsîng-ì 在我的心上難捨 tsāi guá ê sim-siōng lân-siá 這次我又閣失敗了 tsit tshù guá iū-koh sit-pāi liáu 青梅竹馬的玉琴 tshing-muî tik-má ê Gio̍k-khîm 佮我又在 kah guá iū tsāi 愛情高潮的時候 ài-tsîng ko-tiâu ê sî-hāu 魂歸玉碎 hûn kui gio̍k tshuì 離開世間去 lī-khui sè-kan khì 啊!上蒼上蒼! ah! siōng-tshong siōng-tshong! 敢是故意予我痛苦 kám-sī kòo-ì hōo guá thòng-khóo 好朋友! hó-pîng-iú! 薰酒敢會 hun-tsiú kám ē 解消人的憂愁 kái-siau lâng ê iu-tshiû 但是我需要來 tān-sī guá su-iàu lâi 乾一杯 kan--tsi̍t-pue 來來 lâi lâi 來乾一杯 lâi kan--tsi̍t-pue 毋過我的目屎 m̄-koh guá ê ba̍k-sái 為何猶原禁不住 uī-hô iu-guân kim put-tsū 這敢是 tse kám-sī 意難忘意難忘 ì lân-bōng ì lân-bōng ↑↑(口白)---(口白)↑↑
好朋友毋通客氣 hó-pîng-iú m̄-thang kheh-khì 緊來乾一杯 kín lâi kan--tsi̍t-pue 這款bì-luh tsit khuán bì-luh 啉著元氣增百倍 lim--tio̍h guân-khì tseng pah-puē 你若是毋愛相信 lí nā-sī m̄-ài siong-sìn 請來緊來試看覓 tshiánn lâi kín lâi tshì-khuànn-māi 包君滿意 pau kun muá-ì 啉了一杯又一杯 lim liáu tsi̍t-pue iū tsi̍t-pue 緊來乾一杯 kín lâi kan--tsi̍t-pue 緊來乾一个 kín lâi kan--tsi̍t-ê
もっと沢山の歌詞は ※ Mojim.com 你看覓隔壁小姐 lí khuànn-māi keh-piah sió-tsiá 一杯又一杯 tsi̍t-pue iū tsi̍t-pue 滿面粉紅 muá-bīn hún-âng 可愛又閣真迷人 khó-ài iū-koh tsin bê-lâng 你若是想欲愛媠 lí nā-sī siūnn-beh ài-suí 請你緊來乾一杯 tshiánn lí kín lâi kan--tsi̍t-pue 包你隨時 pau lí suî-sî 變成美麗的小姐 piàn-sên bí-lē ê sió-tsiá 毋通閣等待 m̄-thang koh tán-thāi 毋通閣等待 m̄-thang koh tán-thāi
好朋友毋通客氣 hó-pêng-iú m̄-thang kheh-khì 緊來乾一杯 kín lâi kan--tsi̍t-pue 這款bì-luh tsit khuán bì-luh 也是生理的武器 iā-sī seng-lí ê bú-khì 你若是欲講代誌 lí nā-sī beh kóng tāi-tsì 招恁朋友啉一杯 tsio lín pîng-iú lim--tsi̍t-pue 包你隨時 pau lí suî-sî 圓滿順利大趁錢 uân-buán sūn-lī tuā thàn-tsînn 毋通失機會 m̄-thang sit ki-huē 緊來乾一杯 kín lâi kan--tsi̍t-pue
好朋友毋通客氣 hó-pîng-iú m̄-thang kheh-khì 緊來乾一杯 kín lâi kan--tsi̍t-pue 這款bì-luh tsit khuán bì-luh 啉著勇氣增百倍 lim--tio̍h ióng-khì tsing pah-puē 你若是想欲求愛 lí nā-sī siūnn-beh kiû-ài 著愛緊來乾一杯 tio̍h-ài kín lâi kan--tsi̍t-pue 包你愛情 pau lí ài-tsîng 一定OK無問題 it-tīng OK bô būn-tuê 緊來乾一杯 kín lâi kan--tsi̍t-pue 緊來乾一个 kín lâi kan--tsi̍t-ê
好朋友毋通客氣 hó-pîng-iú m̄-thang kheh-khì 緊來乾一杯 kín lâi kan--tsi̍t-pue 這款bì-luh tsit khuán bì-luh 啉著也會解憂愁 lim--tio̍h iā ē kái iu-tshiû 你若是失戀的時 lí nā-sī sit-luân ê sî 著愛緊來乾一杯 tio̍h-ài kín lâi kan--tsi̍t-pue 包你滿腹 pau lí muá-pak 心內痛苦隨時消 sim-lāi thòng-khóo suî-sî siau 毋通閣傷心 m̄-thang koh siong-sim 緊來乾一杯 kín lâi kan--tsi̍t-pue
- W.B. Chen の歌詞提供に感謝
- ウェブリンク: W.B. Chen
|