- アルバムの紹介
- 歌詞
- アルバムリスト
- 歌手の紹介
拍謝少年
-
出巡
feat. 三牲獻藝
作詞:拍謝少年 作曲:拍謝少年
誠心來發願 用腳步擔領 共心頭掠定 綴祢行
孤身嘛毋驚 有眾人來伴 金烏月娘啊 看阮行
無定的時代 拜請眾神來 為著咱未來 出巡哪
心頭茫渺渺 香煙攑懸懸 虔誠的心願 踅境啊
慈悲的祢啊 衷心的向望 炮仔聲響起保庇啊
天公伯啊祢若有咧聽 阮用全部氣力喝出聲 天公伯啊祢敢有咧看 阮甘願佇遮拼性命 搬山過嶺走揣祢的影 若有聽著溫柔的歌聲 搬山過嶺走揣祢的影 上山落海阮嘛袂驚惶
祢守護的山林 祢看顧的海線 為以後的人哪 攏佇遮 佇遮佮祢行 祢守護的山林 祢看顧的海線 為以後的人哪 攏佇遮 佇遮佮祢行
------------------------------------------
14241/《出巡》Tshut-sûn 拍謝少年(歹勢少年樂團Pháinn-sè Siàu-liân Ga̍k-thuân) 三牲獻藝Sam-sing Hiàn-gē
誠心來發願 sîng-sim lâi huat-guān 用跤步擔領 iōng kha-pōo tann-niá 共心頭掠定 kā sim-thâu lia̍h tiānn 綴祢行 tuè lí kiânn 孤身嘛毋驚 koo-sin mā m̄-kiann 有眾人來伴 ū tsiòng-lâng lâi phuānn 金烏月娘啊 kim-oo gue̍h-niû--ah 看阮行 khuànn gún kiânn
無定的時代 bô-tiānn ê sî-tāi 拜請眾神來 pài tshiánn tsiòng-sîn lâi 為著咱未來 uī-tio̍h lán bī-lâi 出巡啊 tshut-sûn--ah 心頭茫渺渺 sim-thâu bông-biáu-biáu 香煙攑懸懸 hiunn-ian gia̍h kuân-kuân 虔誠的心願 khiân-sîng ê sim-guān 踅境啊 se̍h-kíng--ah 慈悲的祢啊 tsû-pi ê lí--ah もっと沢山の歌詞は ※ Mojim.com 衷心的向望 thiong-sim ê ǹg-bāng 炮仔聲響起 phàu-á-siann hiáng khí 保庇啊 pó-pì--ah
天公伯仔 thinn-kong-peh--á 祢若有咧聽 lí nā ū teh thiann 阮用全部氣力 gún iōng tsuân-pōo khuì-la̍t 喝出聲 huah tshut-siann 天公伯仔 thinn-kong-peh--á 祢敢有咧看 lí kám ū teh khuànn 阮甘願 gún kam-guān 佇遮拚性命 tī tsia piànn-sìnn-miā
盤山過嶺 puânn-suann kuè-niá 走揣祢的影 tsáu-tshuē lí ê iánn 若有聽著 nā ū thiann-tio̍h 溫柔的歌聲 un-jiû ê kua-siann 盤山過嶺 puânn-suann kuè-niá 走揣祢的影 tsáu-tshuē lí ê iánn 上山落海 tsiūnn-suann lo̍h-hái 阮嘛袂驚惶 gún mā buē kiann-hiânn
祢守護的山林 lí siú-hōo ê suann-nâ 祢守護的山林 lí siú-hōo ê suann-nâ 祢看顧的海線 lí khuànn-kòo ê hái-suànn 祢看顧的海線 lí khuànn-kòo ê hái-suànn 為以後的人啊 uī í-āu ê lâng--ah 為以後的人啊 uī í-āu ê lâng--ah 攏佇遮 lóng tī tsia 佇遮佮祢行 tī tsia kah lí kiânn
祢守護的山林 lí siú-hōo ê suann-nâ 祢守護的山林 lí siú-hōo ê suann-nâ 祢看顧的海線 lí khuànn-kòo ê hái-suànn 祢看顧的海線 lí khuànn-kòo ê hái-suànn 為以後的人啊 uī í-āu ê lâng--ah 為以後的人啊 uī í-āu ê lâng--ah 攏佇遮 lóng tī tsia 佇遮佮祢行 tī tsia kah lí kiânn
- W.B. Chen の歌詞訂正に感謝
- ウェブリンク: W.B. Chen
|